A Man's A Man
| Robert Burns |
|---|
| Is there for honest poverty That hings his heed and a' that The coward slave we pass him by We dare be poor for a' that For a' that and a' that Our toils obscure and a' that The rank is but the guinea's stamp The mands the gowd for a' that What tho' on hamely fare we dine Wear hoddin-gray and a' that Gie fools their silks and knaves their wine A mands a man for a' that For a' that and a' that Their tinsel show and a' that The honest man tho' e'er sae poor Is king o' men for a' that Ye see yon birkie ca'd a lord Wha struts and stares and a' that Tho' hundreds worship at his word He's but a coof for a' that For a' that and a' that His riband, star and a' that The man o' independent mind He looks and laughs at a' that A prince can mak a belted knight A marquis, duke and a' that But an honest mands aboon his might Guid faith he mauna fa' that For a' that and a' that Their dignities and a' that The pith o' sense and pride o' worth Are higher rank than a' that Then let us pray that come it may As come it will and a' that That sense and worth o'er a' the earth Shall bear the gree and a' that For a' that and a' that It's coming yet for a' that That man to man the warld o'er Shall brothers be for a' that For a' that and a' that It's coming yet for a' that That man to man the warld o'er Shall brothers be for a' that This page has been viewed 7071 times |
| Lo-Fi Version | Time is now: 20th November 2010 - 10:39 AM |
Powered By IP.Board
2.3.6 © 2010 IPS, Inc.
Licensed to: The Celtic Lyrics Collection